Instagram mey Screenshot lene wale, tumhara time khatam ! Instagram almost bans Screenshots !

Instagram ney apna Naya update mey ek Naya feature include kiya hai jisse agar koi apka Instagram story ka screenshot leta Hai toh aapko pata chal jayega ki wo kaun hai.

Agar aap Snapchat user hai toh shaayad aapko pata hoga ki ye feature Snapchat mey bhi hai aur Instagram ney aisa hi feature leh aaya hai apne naye update par.

Instagram kaafi dino se Snapchat ko copy Kar Raha hai . Pehle stories, face filter aur ab yeh ! Snapchat mey pehle se yeh feature hai ki agar koi aapke story ka screenshot leta Hai toh Snapchat aapko alert Kar dega. Ab Instagram ney bhi aisa hi kuch Kiya.

Yeh feature kaise kaam karta hai ?How it Works

Agar koi apka story view karne k baad uska screenshot leta Hai toh uske naam k paas ek starmark (starburst) aapko dekhne ko mil jayega viewers list mey.
Aur jo screenshot lega uske paas aisa ek message jayega :- ‘ NEXT TIME YOU TAKE A SCREENSHOT OR SCREEN RECORDING THE PERSON WHO POSTED THE STORY WILL BE ABLE TO SEE ‘

Kya yeh sahi kiya Instagram ney ?

Agar logo ki privacy ko dhyaan dey toh ye bilkul hi accha kadam hai. Kaafi saare log screenshot leke photos ka galat istemaal karte hai. Instagram ka yeh Naya feature sey galat log pictures ka galat istemaal karna rokh denge. Toh agar aap in cheezo ko dekhte huye kahenge toh mujhe lagta hai ki yeh ek accha kadam hai.

Ab Kya karein ?

Agar aap aise user hai jo Instagram mey dusro k stories ka Screenshot lete rehte hai toh shaayad aapko saabdhaan rehna parega .

Kya ise bypass kiya ja sakta hai ?

Kuch log Abhi yeh keh rahe hai ki isey bypass kiya ja sakta hai , airplane mode use karke, lekin abhi bhi koi proof nikal k nahi aaya hai.

Kya Yeh feature new update mey milega ?

Yeh feature Abhi kuch hi logo k liye Bahar hua hai aur sabhi users k liye aane mey Thora waqt lag sakta hai. Tab Tak aap Screenshot le lejiye😂

Source :- Internet , Twitter

asif ekbal

Asif is a tech enthusiast, currently residing in kolkata and pursuing B.SC(hons.) in chemistry from Asutosh College. He loves writing and is in interested new technology.

Leave a Reply

Your email address will not be published. Required fields are marked *

%d bloggers like this: